Near-Neebours
by Jim Mainland
See yun whit’s-is-name,
Jacob Rees Morgue?
Weel, him.
Wha does he pit dee a mind o?
Lang face, sleekit doon hair?
Stick a toothbrush tache on da upper lip…
See it noo?
A stretched oot version?
An his pal, Jobbo –
tak awaa da hair
an he’s da spittin image
o da idder fellow.
Kinda roond an bombastic,
aye makkin an erse o himsel?
An aye keen ta dismantle
wir ‘democratic structures’?
It’s no sae far-fetched, believe me.
Dey aa thowt ta begin wi da first twa
wis joost a pair o hermless fules.
